ရခိုင်ပြေက သိုက်တဘောင်တိ မှန်ယင့်လား တစ်ချက်ပြန်ကြည့်ကတ်မေ။

25 October 2013 at 20:22

(1)(ရခိုင်ပြေမာ  နို့်သောက် နန့် ဒုတ်ထောက်ရာ ကျန်လတ္တံ၊)

(2)(ရခိုင်ပြေမာ အောက်သမ တစ်စုံ ဆန်တစ်ဒုံ နန့် ရလတ္တံ့)

အေနိန်ခါ  နံပါတ်(1) သိုက်တဘောင်စွာ တတည့်ကျနိန်ဗျာယ်လို့ပြောချင်ပါရေ။

ဇာဖြစ်လို့လေ့ဆိုဂေ ခိုက်အဆက်ဆက် အစိုးရတိ ရေ  မတရားဖိနှိပ်အုပ်ချုပ်ခကတ်လို့ အေနိန့်  ရခိုင်ပြေမာ စီးပွားရီးမပြေလည်မှု၊ အလုပ် အကိုင်မဟိန့်မှုတိ များလာရေအတွက်နန့်  ဆင်းရဲတွင်းနက်လာကတ်တေ ရခိုင် လူမျိုးတိရေ ဘိုးစိုင်ဘောင်ဆက် ပိုင်ဆိုင် နိန်ထိုင်လာကတ်တေ ကိုယ်ရို့ဧ့ရပ်တိရွာတိကို စွန့်ဗနာ ၊ နိုင်ငံခြား တိုင်းပြေတိနန့် မြန်မာနိုင်ငံထဲက အဆင် ပြေရေလို့သတင်း ကြားရေ နိန်ရာတိကို အလုပ်အကိုင် ရလိုရငြား စီးပွားရီးအဆင်ပြေလိုပြေငြား အရွယ်ကောင်းကျန်း မာရီးကောင်းရေ ကလွိုင်ချေ ၊ ကလွန့်မေချေတိ  ထွက်လားခကတ်စွာရေ ရွာတိမာ အရွယ်ကောင်း ယောင်္ကျား မမာ့တိ လုံးဝ မဟိသလောက်ဖြစ်လားခ ကတ်ပါ ဗျာယ်။ ဇာလောက်ထိ ဆိုးလားခလေဆိုကေ တချို့တလီ  ရွာတိမှာ စပါးက မှည့်နိန်ဗျာလ် ရိတ်ဖို့လူမဟိ၊ လူသီနိန်ဗျာလ်မသာချဖို့ ထမ်းဖို့လူမဟိ၊  ၀ိုင်းလို့အိမ်ချေယာချေဆောက်ဖို့ အိမ်မိုးဖို့ လူတိ မဟိန့်ကတ်ရေအထိ  ဖြစ်လားခကတ်စွာကို ၀မ်းနည်းစွာ မြင်ရ ကြားရ တွိ့နိန်ရပါဗျာလ်။အေကိစ္စရေ  ရခိုင်ပြေ က ရခိုင် ရွာတိမာနို့သောက်နိန့် ဒုတ်ထောက်ရာ ကျန်ရေဆိုစွာ မီးမောင်း ထိုးပြ နိန်စွာ မဟုတ်ပါလား ။ ယင်းအတွက်နန့် ရခိုင်ပြေမာ (နို့သောက်နန့် ဒုတ်ထောက်ရာ  ကျန်လတံ္တ) ဆိုရေ တဘောင်ရေ မှန်ကန်ရေသဘော ဖြစ်လားခပါဗျာယ်။ အေချင့်ရေ ရခိုင်လူမျိုး တိအတွက် မကောင်းရေ ကိန်းခန်းတစ်ခု ကျီလားခဗျာလ် လို့လေ့ပြောလို့ရပါရေ။



အေပိုင် ဖြစ်လားခစွာလေ့သွင့် တစ်ဖက်ကစဉ်းစားကြည့်ကေ၀မ်းသာဖို့ကောင်းရေ အခြီအနီ တစ်ခုကိုရောက်ဖို့ ရောင်နီသန်း တွန်းအား ပီးလာဗျာလ်လို့သုံးသပ်မ်ိပါရေ။ တနိန့်တရက် အပြည်ပြည်အရပ်ရပ်ကို လားပြီးကေ လုပ်နိန် ကတ်တေ စီးပွား ရှာ နိန်ကတ်တေရခိုင်သူ/သား တိစွာ အသိပညာ၊ အတတ်ပညာ၊ အတွေ့အကြုံ ဗဟုသုတ တိကို ရင်မာပိုက်ပြီးကေအဖရခိုင်ပြေကို ပြန်ေ၇ာက် လာကတ်ဖို့စွာက မပြောဘဲနန့် သိနိုင်ပါရေ။ယင်းပိုင်ပြန်ရောက်လာကတ်တေ ရခိုင်သားတိစွာ လူစွမ်းအား အရည် အသွေးတိ ရခိုင်ပြေက ထွက်လားခရေအချိန်ကထက် တတ်သိ လာကတ်ဖို့စွာက ပြောဖို့မလိုပါ။ အတွိ့အကြုံကအစ။

အေနိန့် ရခိုင်ပြေနန့် ရခိုင်လူမျိုးတိရေမြန်မာနိုင်ငံ တိုင်းရင်းသားအားလုံးထဲမာ ပညာရီး၊ ကျန်းမာရီး၊  စီးပွားရီး၊ လူမှုရီး နန့် အခြားကဏ္ဍပေါင်းစုံးတိမာလေ့သွင့်အောက်ကျနောက်ကျ အနိမ့်ဆုံးအဆင့် အောက်ဆုံးအဆင့် ကိုရောက်လားခ ပါဗျာလ် လို့ ပြောနိန်ကတ်စွာတိကိုကြားနိန်ရပါဗျာလ်။ ၊(မှတ်ချက်-တဦးကောင်းတယောက်ကောင်း စွမ်းရည်မြင့် နိန်စွာ ကို မဆိုလိုပါ) ဇာဖြစ်လို့လဲဆိုကေအေနိန့်ခါ ရခိုင်သားတိပိုင်ရေ မြီကို အသိမ်းခံထားရစွာ နောက်ထပ်အသိမ်းခံဖို့ နပြင်လေ့မဟိကတ်ပါဗျာလ်။ရခိုင်ပြေက တူးယူ ထုတ်ယူဖို့လေ့သွင့် မြီပေါ်မြီအောက် သယံဇာတတိလေ့မကျန်သ လောက် ဖြစ်လား ခပါဗျာလ်၊ နောက်ဆုံး ရခိုင်ပြေက ထွက်စရာ ထုတ်ကုန်လေ့သွင့်တစ်ခုလေ့ မရှိသလောက် ဖြစ် လားခကတ်ပါဗျာလ်။ ယေကေ အနိမ့်ဆုံးအဆင့်အဆင်းရဲဆုံးအဆင့်ကို ရခိုင်သားတိရောက်လားခရေဆိုကေ  အေထက် ဆင်းရဲ့ဖို့ ၊အေထက်ဒုက္ခရောက်ဖို့ကရခိုင်သားတိမာ  မရှိနိုင်ဗျာလ်။ အဆိုးဆုံးအခြီအနီကိုရောက် လားခရေ ရခိုင်သားတိအတွက် နောက်ထပ် အဆိုးဆုံးဆိုစွာ  လာနိုင်ပါဖို့သိမ့်လား ၊  ယင်းအတွက်နန့်  အဂုချိန်က စဗြီးကေ ရခိုင်ပြေနန့် ရခိုင်လူမျိုးတိမာရွှေရောင်သန်းလာဖို့ အနာဂတ် နိန့်ရက်တိကို ကကောင်းမကြာရေ အချိန်တခုမာ မြင်ခွင့်၊တွိ့ခွင့် ခံစားခွင့်တိ ရလာဖို့ဗျာလ်လို့ ထင်မိပါရေ။( နို့သောက်နန့် ဒုတ်ထောက်ရာကျန်လတ္တံ့) ဆိုရေ မကောင်းသော အတိတ် တဘောင် ရခိုင်သားတိအတွက် အေနိန် အေရက်ကပင် ကျီလီပါဖိလို့ဆုတောင်းလိုက်ပါယင့် ။

ယေကေ ( နို့သောက်နဲ့ ဒုတ်ထောက်ရာကျန်လတ္တံ့)ပြီးကေ နောက်ထပ် အတိတ်တဘောင်တခုက စလို့ အကောင်အထည် ဖြစ်လာနိန်စွာကိုမြင်နိန်ရပါဗျာယ် ။ ဇာချင့်လေ့ဆိုကေ (အောက်သမ တစ်စုံ ဆန်တစ်ဒုံ နန့် ရလတ္တံ) ဆိုရေ အတိတ် တဘောင်ပါ။

 (အောက်သမ တစ်စုံဆန်တစ်ဒုံ နန့် ရလတ္တံ)

(အောက်သမ တစ်စုံ ဆန်တစ်ဒုံနန့် ရလတ္တံ )ဆိုရေ အတိတ် နမိတ်တဘောင် မှန်လာဖို့ အတွက် ဇာအကြောင်းတရားတိက  အယင်ဖြစ်တည်န်ိန်ဖို့ လိုအပ်နိန်လာယ်ဆိုကေ

(၁) အောက်သမတိ အများကြီး ရခိုင်ပြေကိုရခိုင်တိ မခေါ်ဘဲနန့် အကြောင်းအမျိုးမျိုးနန့် အယင် ရောက်ဟိန့်နိန်  ရပါဖို့မဟုတ်ပါလား။အောက်သမတိ မရောက်လာဘဲနန့်အောက်သမတစ်စုံ ဆန်တစ်ဒုံနန့် ဇာပိုင်ရလာပါဖို့လဲ ၊

(၂)  ရောက်လာကတ်တေ ရောက်ဟိန့်နိန်ရေ အောက်သမတိလေ့သွင့်ရခိုင်လူမျိုးတိ ခံစားခရစွာထက် ဆိုးရေ အ ဆင်းရဲဆုံး ဘ၀ကို ရောက်ရပါဖို့သိမ့်မဟုတ်ပါလား၊အထက်ကြည့်ကောင်းကင်၊ အောက်ကြည့် နပြင် အေလောက်ထိ အောင် ထွက်ပေါက် မဟိန့်ရေဆင်းရဲ့ခြင်းနန့်  ရင်ဆိုင်ရပါဖို့သိမ့်မဟုတ်ပါလား။ အောက်သမတိ မဆင်းရဲ့ဘဲနန့်ဇာပိုင် အောက်သမတစ်စုံ ဆန်တစ်ဒုံနန့် ရပါဖိုလဲ ၊

(၃)  အေ တဘောင်အတိုင်းဆိုကေ အောက်သမတစ်စုံ ဆန်တစ်ဒုံနန့် မရခင် ရခိုင်လူမျိုးတိရေ စစ်ပွဲကြီး တစ်ပွဲံ ဖြစ် ကို ဖြစ်ရ ဖိုသိမ့်လို့သုံးသပ်မိပါရေ ။ဇာဖြစ်လို့လဲဆိုကေ စစ်ပွဲမဖြစ်ဘဲနန့် ရခိုင်ပြည်မှာ အောက်သမတိမပိတ်မိနိုင်ပါ ။အေးဆေး တည်ငြိမ်ရေ အတိုင်းအတာမှာ အောက်သမတစ်စုံ ဆန်တစ်ဒုံနန့်လုံးဝမရပါနိုင်ပါလို့ သုံးသပ်မိလို့ပါ။ မမျော်လင့်ဘဲ  စစ်ပွဲဖြစ်လားခလို့  ငြိမ် လားခရေအချိန်မာ  ရခိုင်လူမျိုးတိရေ ကို်ယ်ပိုင်ကိုယ်ဆိုင်သောနယ်မြေ တစ်ခု (၀ါ) အချုပ်အချာ အာဏာပိုင်ဆိုင်သော တိုင်းပြည် တစ်ခုကို ပိုင်ဆိုင်ရေအခြီအနီမျိုး ရောက်လားပါဖို့ ၊ ယေမှရာ စစ်အတွင်း လားမရ လာမရ  ထွက်ပေါက်မရှိ ပိတ်မိနိန်ေ ရ အော က်သမတိရေ စစ်ဗြီးလားခရေခါကူသူမဟိ ကယ်သူမဟိ ဖြစ်လားဗြီးကေ ဒုက္ခ အကြီးအကျ ယ် ရောက်ကတ် ဖို့မဟုတ်ပါလား၊ယင်းပိုင် အခြီအနီတိ ဖြစ်လာခါမှရာ အောက်သမတစ်စုံ ဆန်တစ်ဒုံနန့် ရဖို့နီးစပ်ပါဖို့ယေ။ စစ်ပွဲအတွက် လမ်းကြောင်း ပေးခြင်း မဟုတ်ပါ။

နံပါတ်(၁) သုံးသပ်ချက်
 ဟုတ်ဗျာလ် ယကေ အေအချက်တိထဲက အေနိန့်ခါရခိုင်ပြေမှာ  ဇာလောက် အကြောင်းတရားတိပြည့်စုံနိန်ဗျာလ် လဲဆိုစွာကို  တစ်ချက်ပြန်ကြည့်ကတ်မေ။ အေနိန့် ရခိုင်ပြေမာ လက်ညိုးမလွဲမြို့တိုင်းမြို့တိုင်းမာ စစ်တပ်တိ အယင်ချ ထားကတ်စွာ ၊ အဂုချ လာကတ်စွာတိမာပါလာကတ်တေ အောက်သမတိ၊ ဌာနာဆိုင်ရာ အစိုးရယုံးတာဝန်တိနန့် ရောက်ဟိန်လာကတ်တေ လခ စား အောက်သမမိသားစုတိ ၊မြန်မာအစိုးရက ရပ်သစ် ရွာသစ် တည်ပီးရေအတွက်နန့် ခြီသလုံးအိမ်တိုင်မိသားစုတိမာပါလာ ကတ်တေ အောက်သမတိ ရခိုင်ပြေကို အများအပြားရောက်နိန်ကတ်ဗျာလ် ဆိုစွာကိုလူတိုင်းသိကတ် ပါလိမ့်မေလို့ ထင်ပါရေ။ ယင်းအတွက်နန့် နံပါတ်(၁)အချက်ရေ ပြည့်စုံဖို့ပါးလာဗျာလ်လို့ ခံစားမိပါရေ။

နံပါတ်(၂) သုံးသပ်ချက်
ယင်းပိုင် ရောက်လာကတ်တေ အောက်သမမိသားစုတိရေ လင်ရစွာ လခတစ်ခုတည်းနန့် ဘ၀ရည်တည်ဖို ခက်ခဲရေ ပိုင်၊ ရပ်သစ်ရွာသစ်တိမာခြေသလုံးအိမ်တိုင် လက်လုပ်လက်စား အောက်သမ မိသားစုတိလေ့ ရခိုင်မြေမာ နယ်မြီမကျွမ်းကျင် မှု၊ ဒေသအခြီအနီတိကို မသိမှု ၊ မိတ်ဆွေအပေါင်းအသင်းနဲးပါးမှု တိ များရေအတွက်နန့်စီးပွားရေး မလုပ်တတ် မကိုင်တတ် ဖြစ်ပနာ တဖြည်းဖြည်း ဆင်းရဲတွင်း နက်သထက်နက်လာနိန်ကတ်တေဆိုစွာကိုလေ့ မြင်န်ိန်ရကတ်ပါဗျာလ် မဟုတ်ပါ လား၊ ယေကေ နံပါတ်(၂)အချက်လည်း ပြည့်စုံဖို့ ပါးလာရေလို့ ခံစားမိပါရေ။

နံပါတ်(၃) သုံးသပ်ချက်
နံပါတ်သုံးအချက်  ဖြစ်လာဖို့က ယင်းအောက်သမတိရေ အားကိုးစရာလင်ယောင်္ကျားလေ့ မဟိန့် ဖြစ်ရဖို့သိမ့်။ ခိုကိုးစရာ ဆွေမျိုးေ လ့ မဟိန့်ဖြစ်ရဖိုသိမ့်။ အငတ်ဘေးနန့်သော်၎င်း၊ စစ်ဘေးနန့်သော်၎င်း၊ လားမရ လာမရအခြီအနီနန့်လေ့ ကြုံနိန်ရဖိုသိမ့်၊ ကူညီချင်သူ  သက်ဆိုင်သူတိလေ့သွင့်  အကြောင်းအမျိုးမျိုးနန့်  မကူညီနိုင် မထောက်ပံနိုင်ရေ အခြီအနီ တခုကိုေ လ့ရောက် နိန်ရဖို့သိမ့်၊ ယင်းပိုင်အခြီအနီတိကို ရောက်ရေခါ အောက်သမတိရေ အသက်ရှင် ဘ၀ရပ်တည်ဖို့အတွက်အလွန်ခက်ခဲလာပါဖို့၊ ရင်းနှီးစရာ ခန္ဓာ မှအပ အရာစွာ တခုလေ့သွင့်မဟိန့်ရေဘ၀ကို ရောက်နိန်ပါဖို့၊ ယင်းသူရို၏ အသက်ရှင်ဖို့ ထမင်းတ နပ်စား ရရေးအတွက် နန့် လုပ်အားကိုသော်၎င်း၊ခန္ဓာကို သော်၎င်း ရရေဈီးနန့် ရောင်းလာကတ်ရပါဖို့၊ ယင်းပိုင် ဘ၀ကိုရောက်ခါမှရာ ရခိုင်မြေမာ ကျော်ကြားနိန်ရေ (အောက်သမ တစ်စုံ ဆန်တစ်ဒုံနန့် ရလတ္တံ့) ဆိုရေတဘောင်ရေ မှန်ကန်ရေလို့ ပြောလို့ ရပါဖို မဟုတ်ပါလား။ ယင်းပိုင်ဖြစ်လားဗြီးခါမှရာ(အောက်သမတစ်စုံ ဆန်တစ်ဒုံ နန့် ရလတ္တံ့ ) ကိန်းခန်းသည် ဗြီးဆုံးခြင်းကို ရောက်ပါရေသတ်မှတ်ရပါဖို့။ ယင်းအချိန်ကာလကိုရောက်ရေခါ  ကျွန်တော်နှင့် အဂုစာဖတ်နိန်သူ Facebook မိတ်ဆွေလေ့လူ့လောကမာ ဟိန့်ချင်မှရာ ဟိန့်ပါဖို့ဗျာလ် ၊ သို့သော် အေ အတိတ်တဘောင်မှန်ကန်ရေနိန့်ကိုရောက်ရေခါ ရခိုင်လူမျိုးတိရေ  ဗုဒ္ဓဘာသာဝင်တိ ဖြစ်ရေအတွက်နန့်  ဒုက္ခရောက်နိန်ကတ်တေ အောက်သမတိကို မြေနိမ့်ရာလှံမစိုက်ကတ်ဖို့ ၊ လဲနိန်သူကို ဖိမနင်းကတ်ဖို့ ဗြဟ္မစိုရ်တရားလက်ကိုင်ထားဗြီးကေလူသားချင်းစာနာကတ်ဖို့၊ ငြိမ်းချမ်းစွာ နိန်ထိုင်ခွင့်ပြုဖို့၊ ပျော်ရွင်စွာ အသက်ရှင်ဘ၀ရပ်တည်ခွင့်တိ ပီးဖိုို့စွာကို စာရီးသူ ကြိုတင် မိတ္တာရပ်ခံ ထားခချင်ပါရေ။

နံပါတ်သုံးအချက် ဖြစ်ပေါ်လာဖို့ဇာအကြောင်းတရားတိက အထောက်အပံ့ ပီးလာဖို့လည်းဆိုစွာကို စာဖတ်သူကိုယ်ုတိုင်လည်းဆင်ခြင်စဥ်းစားဥာဏ်ကွန့်နိုင်ကတ်ပါဇီ။
                                                                     (မောင်ဖြူ 25.10.2013)

မောင်ဖြူ Facebook မှ ကူးယူသည်။
https://www.facebook.com/notes/mg-phyu/%E1%80%9B%E1%80%81%E1%80%AF%E1%80%AD%E1%80%84%E1%80%B9%E1%80%B1%E1%81%BF%E1%80%95%E1%80%80-%E1%80%9E%E1%80%AF%E1%80%AD%E1%80%80%E1%80%B9%E1%80%90%E1%80%B1%E1%80%98%E1%80%AC%E1%80%84%E1%80%B9%E1%80%90%E1%80%AD-%E1%80%99%E1%80%BD%E1%80%94%E1%80%B9%E1%80%9A%E1%80%84%E1%80%B9%E1%82%94%E1%80%9C%E1%80%AC%E1%80%B8-%E1%80%90%E1%80%85%E1%80%B9%E1%80%81%E1%80%BA%E1%80%80%E1%80%B9%E1%81%BF%E1%80%95%E1%80%94%E1%80%B9%E1%81%BE%E1%80%80%E1%80%8A%E1%80%B9%E1%82%94%E1%80%80%E1%80%90%E1%80%B9%E1%80%B1%E1%80%99/214717325369441